New Delhi, 17: Ka Commission jong ka Ri India lyngba ka jingpynbna number No. ECI/PN/23/2024 kaba la pynmih ha ka 16/Lber/2024 kala pynbna ba ia ka general elekshon sha ka iing dorbar thawain ka jylla Arunachal Pradesh bad Sikkim kan long lang bad ka General Election sha Lok Sabha 2024.
Ka sngi thep vote kan long ha ka 19/Lber/2024 bad ka tarik ban niew vote kan long ha ka 4/6/2024 , bad kane ka long ba ia ka elekshon sha kitei ki ar tylli ki jylla la pynlong ia ka MLA elekshon shuwa ban kit ka por treikam ka iing dorbar thawain ak jylla.
Katkum ka bor kaba la pynkut hapoh ka riti synshar jong ka Ri India kaba 324 ryngkat ka artile 172(1) jong ka riti synshar jong ka Ri India bad ka kyndon kaba 15 jong ka Representation of the People Act, 1951, ka iing dorbar jong kitei ki jylla kan kut ha ka 2/06/2024.
Namar ba ka ECI kala shim ia ka rai ban pynkylla ia ka general elekshon sha kitei ki ar tylli ki iing dorbar thawain ka jylla Arunachal Pradesh bad Sikkim kumba la pynbna ha ka kyrwoh kaba la pynmih mynshuwa.
Ka ECI mynta ka jingniew vote kan long noh ha ka 2/6/2024 ha baroh ar ki jylla kam dei shuh ha ka 6/6/2024, ia ki kam kiba ia dei bad ka elekshon dei ban pyndep ha ka 2/6/2024 ha kiei ki ar tylli ki jylla.
