Shillong, Rymphang 06: Ka iing bishar ba don burom mynta ka sngi kala pynlait Jamin ia u Bah Stanlywiss Rymbai MLA barim jong ka Umroi Constituency ha dei ba u la shah kem halor ka jingkynnoh ba kala don ka jingiadie iathied ia ka Khlaw Mawpalai.
Ka jingkem ia u Bah Rymbai u ba dei u MLA barim jong ka Umroi Constituency da ka tand CID, kane ka jingkem ia u ka long ha ka 25 tarik jong u bnai Kyllalyngkot mynta u snem bad ha dien la pyngnat ia u hapoh ka Judicial Costody, hynrei na ka daw ba u la ud pang la rah noh sha Civil Hospital ban sumar.
Ka jingkynnoh pyrshah ia u Bah Rymbai ka long ba u la ioh phra klur na ka tand khlaw jong ka sorkar jylla Meghalaya ha kaba ia dei bad ka khlaw Mawpalai, kane ka mukot duma kala sah mynta la saw snem dei ka Public Account Committee kaba la bethah ia ka tand pulit ba kan pynsted ha kaba tohkit ia kane ka kam halor ka jngkynnoh ba ka la don ka jingialeh klop.
Na ka liang jong ka shnong Umsawkhwan ha kaba ia dei bad kane ka kam, ka kren shai ba dei da ka jingaibor jong ka shnong ia u MLA barim ban leh ia kaba don kam ha kaba ia dei bad kane ka jaka bad ka shnong kala kam ba kala jop mukotduma la ar sien.
