Shillong, Iaiong 28: Ki pulit jong ka Mawngap out post mynta ka sngi kila pynlait ia u Bah Khraw Kharryngi na ka kti jong ki paidbhur na ka shnong Tyrsad.
Ki paidbah nongshong shnong jong ka Mawliehpoh kila kem ia u tei u rangbah da kaba kynnoh ba u dei u menshohnoh. Ha dien ba ki la kem ia u ki la the ia u poh iing skul jong ka Mawliehpoh LP skul.
Ki pulit ha dien ba kila ioh ia kane ka jingtip kila leit sha katei ka shnong bad mynta ka sngi ha ka por shiteng sngi kila ioh ban pynlait ia u bah Khraw.
Ha dien ba la pynlait da ki pulit u Bah Khraw u la ai ka jingujor pyrshah ia u Bah King Rani, Bantei Rani, Aikos Mary Sawkmie, Roy Rani, rangbah shnong ka Mawliehpoh village bad ia u Bah Kral Rangslang, rangbah shnong ka Pomsanngut kiba la set beain ia u tei u rangbah. Na ka liang jong ki pulit mynta ki dang tohkit ha kaba ia dei bad kane ka jingjia.(SP News)