Shillong, Nailar 1
9: Ka Shillong Lajong Academy jong ka India kala shah pynrem ha ka Green Town Yuhua Taohuayuan jong ka Ri China ha ka jingiakynjat penalty ha dien ba kila ia thep mar shikol ha ka jingialehkai ha ka BRICS U-12 International Youth Football Tournament ha Putian Sports Centre ha Putian hapoh jong ka Ri China mynta ka sngi.
Ha kane ka jingialehkai quarterfinal namar bay m shym lah ban ia jop ha ka jingialehkai hapoh jong ka por bala buh la pynlong ia ka jingiakynjat penalty, ha kane ka jingiakynjat penalty ka Green Town Yuhua Taohuayuan jong ka Ri China kala thep san kol bad ka Shillong Lajong jong ka Ri India kala thep saw kol bad shah rem ha kane ka jingialehkai.
Ha dien ba ka Shillong Lajong Academy kala shah rem ha kane ka quarterfinal, kala hap ban ialehkai tang ban ia knieh ia ka kyrdan hapoh jong kine ki Ri kiba don ha ka kynhun jong ka BRICS. Ha kane ka jingialehkai kala ia kynduh bad ka Luch-Energia Vladivostok FC jong ka Ri Russia, ha kane ka jingialehkai bad ka Ri Russia. Ka Shillong Lajong kala jop da saw la lai lyngba ka jingialehkai Tie Breaker.
Ha ka jingialehkai katkum ka por ba la buh kine ki ar tylli ki team kila ia thep mar laikol bad namar ba ki ia ioh thep kol mar katjuh, la pynialehkai biang da ka tie breaker ha kaba ka Shillong Lajong kala ioh thep da shikol bad rah ia ka nam jop. Ha ka 21 tarik mynta u bnai kin dang hap ban ialehkai biang ban ia knieh ia ka kyrdan kaba san lane 6 hapdeng jong ki Ri kiba ia don ha BRICS.
