Shillong, Iaiong 10: Ka ophis jong u Additional Deputy Commissioner jong ka East Khasi hills kala pynlong ia ka jingai jinghikai kumno ban leh ha ka por ba lynshop ka mariang ia kane ka jinghikai la pynlong da ka District Disaster Management Authority (DDMA), jong ka East Khasi Hills ia kaba la pynlong ha St. Anthony’s College, Shillong dang shen.
Ia kane ka jinghikai la aid a ka ‘National Institute of Mental Health’ bad ka Neurosciences, jong ka ‘Institute of National Importance’, na Bengalaru da ka jingiatreilang bad ka USAID-MHA-UNDP kaba dei peit ia ka , “Developing Resilient Cities through Risk Reduction in the context of Disasters and Climate Change” ia kaba la sdang ban pyntreikam ha Shillong.
Kiba la wan ban ia shim bynta ha kane ka jinghikai ki long 33 ngut na ki tnad sorkar baper bapher bad kum juh na ki kynhun jong ki riew shimet. Kane ka jinghikai ka long ba kine kiba la shah hikai kin iarap ia ki paidbah lada don kano kano ka jingshah lynshop ha ka mariang ia ki para marjan.
