Shillong, Nohprah 02: Kila don palat 198 ngut poi ki paidbah sha ka jingsuamr ei bala pynlong da ka ka KSU Laban Circle mynta ka sngi bad bun na kiba la poi sha kane ka jingshim dawai dei hi ki nongshong shnong na Laban.
Ka Khasi Students’ Union Laban Circle ka la ioh ban pynlong ia ka Free Medical Camp ha 2 tarik u Nohprah, 2023 ha Kynjat Phutbol kaba la sdang naduh 10 baje mynstep haduh 3 baje nohphaisngi.
Ha kane ka sngi, la ioh ban ai jingsumar ia 198 ngut ki briew kiba kynthup ia ki khyllung, longkmie bad rangbah kiba la wan sha kane ka Medical Camp ba la pyniaid da ka Seng.
Ki doktor kiba ia don ryngkat ha kane ka sngi ka kynthup ia i Dr. L. Rynjah na Laban Dispensary, Dr. B. R. Garod, na Lumparing UPHC, Dr. K. Nongbri (Pediatrics) na Children Hospital, Dr. A. Dkhar (ENT) na Robert Hospital, Dr. T. Syngkon bad Dr. A. Lyngdoh (Dentist) na Titanium Dental Health Care bad ki doktors napoh Bansara Eye Clinic.
Ha kane ka sngi la don ryngkat lang ruh ki Lab Assistant na ka Dr. Lal Path Labs kiba la iarap ban ban test shini (diabetes), cholesterol, thyroid, uric acid bad kiwei kiwei ki test kiba ki paidbah ki donkam.
Ka Seng ka pynpaw ia ka jingsngewnguh kaba khraw ia baroh ki doktors, ki nurse, asha, pharmacist, lab technician, ANM, DEO kiba la iadon ryngkat ha kane ka sngi ban ai ia ka jingshakri kaba pura sha ki paradoh parasnam ha kaba iadei bad ka koit ka khiah.
