Shillong, Risaw 08: Ka seng samla pule Khasi Student’s Union (KSU) jong ka Mawlai Circle mynta ka sngi kala pynlong ia ka jingiakop dro dur bad ha ka juh ka sngi la sam ruh ia ka khusnam ‘Maitshaphrang Execlence Award” 2016.
Ha kane ka sngi ki skul baroh kiba la wan ban ia shim bynta ha kane ka jingiakop dro dur kaba la long ha Shillong Polytechnic ki don 19 tylli kiba la wan na ki dong bapher bapher jong ka Mawlai Pyllun.
Ha kane ka sngi la sam khusnam ruh sha ki 49 ki samla pule kiba la wan sha khmat ha ka jingpule ka ki naduh ka matrik haduh kiba la pyndep ia ka jingpule ha ka kyrdan PHD. Ka seng KSU ka juh pynlong ia kane ka jingai khusnam man la u snem ban pynshlur ia ki samla pule ha ka jingpule ka jong ki.
Haba kren ha ki nongthoh khubor u president ka KSU Mawlai Circle u Bah Biangdor L Paliar, u la ong ba kane ka jingiakop dro dur kaba la long mynta ka sngi, ka long halor ka phang ban ia khun pyrshah ia ka jingdih drugs. Kane ka bynta ba ka seng ka sngewkhia bha namar kane ka pynjot iaka jaidbynriew.
Ha ka por jan miet ia ki khusnam sha ki samla ba la pass bha ha ki eksamin la sam da u Bah Samuel B Jyrwa Chairman jong ka NESO, ha kaba la ia don lang u Bah Auguster Jytwa General secretary jong ka seng kmie, ha kane ka sngi la don lang kiwei kiwei ki nongkit kam jong ka seng ban ia ai mynsiem lang ia ki samla bala wan shakhmat ha ka jingpule ka jong ki.
