Sh
illong, Naiwieng 03: Ka Meghalaya Pradesh Youth Congress (MPYC) hapoh ka jingialam jong u President, u Richard Marak mynta ka sngi kila pynlong ia ka jingiakhih ka jong ki ha phyllaw jong ka Congress Bhavan ha Shillong ban pyrshah ia ka jingshah bat jong u Rahul Gandhi ha nongbah Delhi katba u dang leit ban leit ngoh ia u Subedar R.K.Grewal shipai ba la shong thait u ba la shim noh ia k aka jong ka jingim halor ka jingdawa ban ioh ia ka ‘One Rank One Pension’.
Ia kane ka jingia khih ka jong ki mynta ka sngi la ialam da u Bah James S.Lyngdoh, Working President, MPCC, ka General Secretaries jong ka MPCC, ka kong Joplin Shylla, President Meghalaya Pradesh Mahila Congress lem bad kiwei ki nongkit kam jong ka party.
Kane ka jingiakhih ka jong ki mynta ka sngi ka long ban pyrshah jur ia ka jingshah bar jong u Vice President jong ka seng u Rahul Gandhi bad kiwei ki nongialam jong ka AICC katba ki dang leit ban leit jongoh ia u wei u shipai ba la shong thiat na ka kam u ba la shim noh ia la ka jong ka jingim ban dawa ia ka OROP.
Na ka liang jong ka MPYC kala kynnoh ba lada ka long kum ba ka long mynta ka long ba la leh kum ka “emermgency” kaba khlem da pynbna ban pynrung ia ka jingpyrkhat jong ka seng BJP sha ki riew paidbah kane ka dei ka jingsynshar don bor kala kynnoh.
Ka MYPC ka kwah ban tip kaei ka jingbakla ban leit sngewlem sha kiba ha iing ha sem jong u ba la khlad noh, u myntri rangbah duh jong ka Ri India u la dei ban sngewlehrian, u myntri rangbah duh u Modi u la dei ban pan map na kiba ha iing jong u R.K. Grewal, na ki shipai bad na ka Ri baroh kawei.
Ka party Congress ka dawa ba dei ban wengnoh ia u myntri kam poh iing jong ka Ri bad Police Commissioner, kila pynkynmaw ba ka BJP ha ka jingkular elelction jong ki ha u snem 2014 kila ong ban ai ia ka OROP, u myntri rangbah duh jong ka ri u la dei ban pynurlong ia ka jingkular, dawa ka seng Congress.
