Shillong, Lber 25: Ha ka jingrakhe ia ka World Oral Health Day, ka Oral Awareness Camp la pynlong ha Reach Shillong Ministries, ka prokram hapoh ka jingpeit Sarva Shiksha Abhiyan Mawarliang, Laitkor da ka tnat Dentistry, NEIGRIHMS ha ka sngi palei.
Ha kane ka sngi, la ai jingsumar ei ia ki bniat jong ki khynnah pule. U Prof (Dr) S. Vijay Singh HoD, Dentistry Department, u batai shaphang ka jingdonkam ban lehkhuid ia ki bniat bad shyntur, ktien.
ka Dr Alice Lyngdoh, Dental officer & Ms. Monalisa Das, Dental hygienist ki ai jinghikai ia ka rukom shut bniat ia baroh ki khynnah pule katei ka skul. La pynlong ruh ia ka jingiakop dro poster halong ka phang, “Sarong ia la ka shyntur”.
Ia ki nongjop la sam khusnam da ki syrnod bad ki khusnam . La ai ruh ia ki khusnam kyrpang ban ai mynsiem ia ki khynnah pule ha katei ka sngi ha ka jingiadon lang kiwei ki riew rangbah.
