Jowai, Jylliew 3: Ka Demthring Sport Club, ka seng kaba peit ia ka bha ka miat jong ki samla hapoh ka shnong Demthring, West Jaintia hills Distric kala pynlong iaka Youth Leadership Programme haka 31 tarik u bnai May, 2014 haka Community hall jong ka shnong.
Ha kane ka sngi la ioh iaka jingkren shaphang ka jinglong nongialam da u Rev. H.H.Mohrmen uba la batai shai shaphang ki bynta bakongsan jong ka jinglong nongialam laka long haka seng samla, seng kynthei, haka shnong ne haki Balang ruh kumjuh.
Kane ka dei ka sien kaba nyngkong baka seng kan pynlong ia kum kine ki jait ai jinghikai bad ki samla kumjuh ruh ki rangbah bad longkmie naka shnong baroh kawei kila wan ban iashim bynta ha kane ka jingai jinghikai bad ia kane ka prokram la bei pisa da ka ophis jong u District Planning Officer West Jaintia hills district. Hadien jong ka jingkren na u resource person la ioh ruh iaka jingiakylli jingmut ha kaba ki samla kynthei bad shynrang kila buh iaki jingkylli.
Ha kane ka juh ka sngi la pynlong ruh iaka finanial literacy campaign ka jingai jinghikai ia ki nongshongshnong shaphang ka kam pisa pillain ba la kren halor kane ka phang da u bah B. Shabong uba long u branch manager jng ka Canara bank Jowai branch.
Iaka jingialang la pyniaid da u samla MB Ryngkhlem,la ioh ruh iaka jingkren na u SS Suting bad na u ma P. Ryngkhlem.(SP News)
