Shillong, Kyllalyngkot 09: Mynta ka sngi ki nongtrei jong ka Ya Enterprise kaba don ha Motphran haba kila leit ban plié ia ka jaka shna mobile kila lap ba ka skylight kala shah pynpra bad bun tylli ki mobile kila jah.
Haba ia dei bad kane kila pyntip sha ki pulit bad na ka liang jong ki pulit ruh kila wan sha kane ka jaka ban jurip ia kane ka jingshah tuh kane ka dukan, kane ka jingjia kala jia ha ka miet sngi u Blei.
Ki nonglute kila khyndang ia ki nar jong ka skylight bad pynkdor ia ka bad rung sha poh kane ka dukan bad kila rah ia ki mobile ba rem dor kiba la wan phah shna ki briew.
Kane ka jaka kaba shah lute ha ka miet sngi u blei ka dei ka jaka shna mobile ha kaba bun bah ki mobile ki don, na ka liang jong ki pulit ki dang lum ka jingtip ha kaba ia dei bad ka jingshong dor jong ki tiar kiba jah na kane ka jaka shna mobile jong ka Ya Enterprise.
