Shillong, Lber 18: Ka ophis u Syiem ka Hima Mylliem kala trei shitom ban pynioh ia ka jingiarap na ka tnad pynneh pynsah khyndew jong ka sorkar jylla ban shna ia ka jaka ap khlaw ha Lum Shyllong hynrei ia ki paia kiba la sdang ban pynieng la pynpra da ki riew kiba ym lah ban tip.
Ha ki bynta ba shah kliar u lum Shyllong ka long syllen bad na ka liang jong ka ophis jong ka Hima Mylliem kala phah ban thung da ki dien ban pynjyrngam biang ia u tei u Lum bad jingthmu ban tei ia katei ka sem ka long ba ki nongai khlaw kin ioh ban shong ban lait na u slap ka sngi.
Hynrei kaba sngewsih ka long ba ia ki paia kiba la sdang ban pynieng ban shna ia kane ka sem la pynkhyllem da ki briew kiba ym lah ban tip na ka liang jong ka Hima Mylliem kala ujor haloe kane ka jingshah pynjlor katei ka jingtei.
Kumba ka long mynta ha kliar jong u Lum Shyllong la ioh ba kila don ki tynrai dieng kiba la thung na ka liang jong ka Hima Mylliem kaba dei ka peit nongsumar ia une u Lum ba long ruh kawei na ki jaka jngohkai ki briew kiba wan shang suwari sha kane ka ri khasi.
