Shillong, Jylliew 08: Ka JSU War Jaintia Circle ka pynrem jur ia ka jingshah shoh bad shah khie lynd
um jong i longkmie ha Dawki Bakur. Ka sein ka kwah ban pynkynmaw sha ki briew ka thain ba kim dei ban shim ia ka aiñ ha ka kti khamtam ha ka jingpynshitom da kaba shoh bad khie lyndum iano iano.
Ka jingpynshitom iano iano kadei ban long katkum ki kyndon ba la shah da ka sorkar. Ka JSU ka kwah ban pynkynmaw ba khamtam ki nongpyniaid shnong kidei ban tip iala ki jong ka bor bad ka iktiar ba la pynkup ha ki bad ban bishar bniah.
Na ka liang jong ka JSU ka dawa ruh ba ki bor sorkar kin pynshitom katkum ka jingpynkhein ia ki aiñ ia baroh kiba donkti ia kiba leh dobor ia i ne i longkmie khlem da leh shiliang iano iano.
Haka juh ka por ka seng ka kyrpad ha ki nongshong shnong ban long kiba bud ryntih bad burom ia ki ain shnong bad ban iatreilang khamtam ha kum kine ki por ba ngi don mynta ha ka jingeh jong ka khlam COVID-19.
“Ngi sngewnguh shibun eh ia ka jingpyrkhing bad ka jingtreibor bah ka shnong ban iada ia kiba bun hynrei pat ngi pyrshah ia ka jingpyndonkam bakla ia ka bor ba la pynkup ha ki nongsynshar shnong” ong ka kyrwoh na u President u Eddy Kery Pohtam bad u Secretary u Kerrydiam Lamin.
