Shillong,Naitung 05: Katba dang mih ki sngi ka jingleh dusmon jong u khun bynriew ia ka mei mariang bad ia ki jingthaw ba im ha ki um kum ki dohkha dohpnat khlem da kheiñ ne burom shuh ne ban tyngkai ia ka jingai sngewbha u Blei ban long ki jingbam jingdih kiba ai jingim ia ki khun bynriew tang na ka daw jong ka jingkhwan myntoi shimet khlem da pyrkhat shuh ia ka jingma jingmynsaw bad kaei kaban wan jia hadien
U President ka HANM ka Iooksi Circle u samla Hamwer Bhoi haba ia kren bad ki lad pathai khubor ula ong,ka wah Mynsar ha ki por ba mynshuwa ka bun bha ki dohkha ha kaba ki briew jong kane ka thaiñ ki dang ioh bam pahuh ia ki dohkha bad ki briew ruh ki ioh jingmyntoi bha na kane ka wah ha kaba ki paidbah ki ioh ban pyndonkam ia ka um wah ha ka bam ka dih ka khlieng ka sait hynrei kat dang mih ki sngi ki doh kha ha kane ka wah ki la nang duana na ka jingshim kabu da ki katto katne ngut tang na ka daw jong ka jingkhwan myntoi shimet da kaba shu leh dusmon ia ki doh kha doh pnat kiba im ha kane ka wah da kaba ber bih ban pynnoh ia ka jar ban ioh tong ia ki dohkah na kane ka wah.
Ka HANM ka kyrpad ia ki Rangbah shnong jong ki shiphew tylli ki shnong ba kin shim khia lem ia ka jingleh dusmon ki riew shim kabu ia ki dohkha dohpnat da kaba ber bih ia ka um kaba lah ban wanrah ia ka jingma ha ka jingkoit jingkhia lada ki paidbah jong ka thaiñ kiba pyndonkam ia ka um ne ha kaba bam ia ki dohkhan na kane ka wah bad lada ki lap ki dei ban pynshitom ia ki kat kum ka kyndon aiñ shnong.
Kyntang iawai ka HANM ka maham tyngeh ia ki briew kiba leh dusmon ia ki dohkha kane ka wah bad lada ka seng ka lap ia kine ki nongleh dusmon kan pynshitom kat kum ki kyndon aiñ.(SP News)
