Shillong, Rymphang 22: Ka Presdent jong ka party All India Trinamool Congress ka Manata Banerjee mynta ka sngi kala pynskhem ia u bah Charles Pyngrope kum u State President ha kane ka jylla Meghalaya.
Kala thung ruh san ngut ki symbut president , u bah James S Lyngdoh, bah Shitlang Pale, Bah H.M Shangpliang, bah George B Lyngdoh, u Zenith Sangma, bad u Marthon M Sangma. La thung ruh ar ngut ki General secretary Dr. Manas Das Gupta bad u Mukul Das. Ia u bah Kamol Marbaniang bad ia u Jayanta Sen kum ki symbut secretary.
Na ka liang jong ka President ka AITC ka Mamata ka ai ka jingkitbok ia ki nongkit kam ba thymmai ka party hapoh kane ka jylla Meghalaya bad kala bthah ruh ba kin trei shitom na ka bynta ka party.
