Shillong, Risaw 11: “Hato khamkor ka jingim ki mradkhlaw mo ban ia ngi ki nongshong shnong jong ka South West Khasi Hills District? ” la buh jingkylli u samla Forwardman Nongrem u President ka KSU South West Khasi Hills District iaka sorkar haka sngi ba pynskhem iaki nongialam ba thymmai jongka KSU Pyndensakwang Unit haka 10.10.2020 ha shnong Pyndensakwang”.
U samla Forwardman Nongrem haba kren haka jingialang ban Pyntiansmai ia ki nongialam ba thymmai jong ka KSU Pyndensakwang Unit u la kynthoh jur iaka sorkar jylla bad ka sorkar India halor ka phang ba Ia dei bad u uranium.
U la pynkynmaw ruh da kaba u ong ” Ba ha u snem 2006 ka la don ka Public hearing ha Nongbah Jynrin halor u uranium, ha katei ka hearing kiba bun ki paitbah ka District ki pyrshah ban tih hynrei ka sorkar ka la iuhroit ia ka mon jong u paitbah ha kaba ha u snem 2007 lyngba ka Ministry of Environment, Forests and Climate change ( MoEF&CC) pat ki la ai iaka jingbit ne ka Environmental Clearance ban tih uranium ha ka jaka ba 422 hectares jongka KPM Project ha Mawthabah ha kaba mynta Watla ka seng ka la Dawa naka por shaka por hynrei ka sorkar kam shym la weng ia kane ka Environmental clearance”.
Naka liang jong une u nongialam u la kdew ruh ba ba ha u bnai jymmang jong ka snem 2010 ka Standing Committee jong ka National Board of Wildlife ba la khlieh da u myntri khynnah ba dei peit Ia ka Ministry of Environment, Forests and Climate Change ka la kyntait iaka Environmental clearance ban leh iaka exploratory drilling ha Balphakram National Park ( Rongcheng plateau) halor ka nongrim ban iada iaki MRAD khlaw ha kato ka jaka.
” Hooid kum ka seng ngi sngew iahap bad ngi Kyrshan ia ka rai ban nym ai Environmental clearance tih uranium ha Balphakram National Park hynrei ka jingkylli mynta ka long ‘ Hato iaki paitbah ka thain Mawthabah, Phlangdiloin bad South West Khasi Hills District ka sorkar ka Niew ba ki kham tad dor mo ban iaki MRAD ha Balphakram National Park namar haduh mynta ym pat weng iaka Environmental clearance haka District jong ngi? ” la buh jingkylli u samla Forwardman Nongrem.
Une u nongialamka seng KSU u la kyntu pat iaki dkhot ka seng ba ki dei ban long kiba la pynkhreh da kaba ai mynsiem ruh iaki dkhot ka KSU Pyndensakwang Unit ba ” U Blei u ai ki jingtynjuh ha kita ki briew kiba u tip ba ki lah ban shah. Kum ban shu pynkynkynmaw haka 09/10/2020 naka liang ka KSU bad u Dr. Bremley Wanbantei Lyngdoh ki la Hiar jurip ha Nongbah Jynrin ha kaba ki la lap ba ka don ka jingmih radiation kaba jur kaba kot haduh 350CPM bad 1.317usv/h.
Kiwei kiwei pat ki nongkren ha kane ka sngi ba Pynskhem iaka KSU Pyndensakwang Unit ki long u samla Dusterwell K. Lyngdoh Organising Secretary KSU South West Khasi Hills District, u samla Pauldeep Tongwah President KSU Mawkyrwat Circle , u samla Rutherford Lyngdoh General Secretary KSU Mawkyrwat Circle, ki nongialam Seng Longkmie bad kiwei kiwei.
Ki nongialam ba shakhmat ka KSU Pyndensakwang Unit ki long u samla John Peter Kharjahrin ula shah jied kum u President, Vice President u Samla Marvelous K. Jahrin, General Secretary u Samla Amos K.Jahrin, Asst. General Secretary – Samla Wanboksing Riamsiej, Organising Secretary u Samla John Wosly Riamsiej, Education Secretary u Samla Wanseiborlin Riamsiej, Publicity Secretary u Samla Sanboklang Riamsiej, Environment Secretary u Samla Jinearstar Riamsiej, Sports Secretary u Thrangkupar K. Jahrin bad Finance Secretary u Samla Plosborlin K. Jahrin bad 10 Ngut kiwei pat ki dkhot kane ka Unit.
