Shillong, Jylliew 03: Ka dorbar kiba khraw kaba long ha ka 2 tarik mynta u bnai haka por 11 baje mynstep . Ha iing dorbar Hima Mylliem Mawkhar Shillong, halor ka phang jong ka jingiasoi Agreement ia ka khlaw hima kaba don ka Mawpat ban pynkylla law adong ia ka tei ka khlaw da u Syeim , Hima Mylliem U Latho Manik Syiem u myntri u MB Kharlukhi U myntri K Langstieh bad u chief Executive member (CEM) Khasi Hill Autonomous District Council bad ki ophisar jong ka Khasi Hill Autonomous District Shillong.
Ka Dorbar da ka wei ka jingmut ka la pyrshah jur ia ka tei ka jingsoi agreement ha ka 22 tarik jong u bnai ba la dep , kumta ka dorbar baroh ka wei ka la hukum ia ki tei ki laingut ba ki dei ban weng noh ia ka jingsoi mynjur.
Ka dorbar ka rai ruh ba ka jingthmu jong ka Khasi Hill Autonomous District Council ban leit pynbna ia ka khlaw Hima kaba don ha Mawpat kum ka lawadong ha ka 5 tarik mynta u bnai dei ban pynsangeh noh.
Ba ka jingsoi jingmynjur halor ban pynlong Law adong ia ka khlaw Hima kaba ha mawpat la leh khlem da kynjoh ne pynlong kano kano ka jingiakynduh lang jong ki bakhraw ban ia pyrkhad halor ka tei ka kam.
Kiba la ia soi na ka liang jong ki bakhraw batri jong ka hima myllien ban pyrshah ia kane ka long da ki 45 ngut ban pyrshah ia kane ka jingthmu jong ka KHADC bad ka jingleh lyndet jong u Syiem ka hima mylliem bad ar ngut ki myntri.
Halor ka jingpyrshah jong ki myntri na ka liang jong u Syiem u Pa’im Latho Manik Syiem, u Myntri K Langstieh bad u myntri M B Kharlukhi kila phah ia ka shithi sha u CEM jong ka KHADC ba kin wengnoh ia katei ka agreement kaba ki la dep ia soi ha ka a 22 tarik u ne u bnai ba la dep haka ba iadei bad ka jingpynlong ia ka law adong ia ka khlaw hima, kaba don ha Mawpat, Hima Mylliem.
Ki la ong ba ki kloi ban weng ne ban pynduh noh shi syndon ia ka tei ka jingia soi jingmynjur, namar ka dorbar jong ki bakhraw ka ba la long ha 2 tarik mynta u bnai kala pyrshah bad hukum ia kiba soi ban weng noh ia ka jingsoi jong ki, namar khlem da kynjoh ne pynlong kano kano jingiakynduh lang jong baroh ki bakhraw ban ai pyrkhat lang halor ka tei ka kam.(SP News)