Shillong, Lber 07: Ka seng samla pule Khasi Student Union (KSU) mynta ka sngi kala phah da ka shihti sha u myntri kam pynroi sor u bah Ronnie V Lyngdoh, ban pynpaw ia ka jingpyrshah ka jong ki ba Meghalaya Urban development Authority (MUDA) kala ai jaka ia kiwei ki jylla ban shna iing basa ha khmat jong ka hospital North Eastern Indira Gandhi Institute of Health and Medical Sciences (NEIGRIHMS) ha Mawdiangdiang, Shillong.
Ha kane ka shihti kaba la soi da u preisdentjong ka seng u Bah Lambok Marngar bad u Bah Donal V Thabah General Secretary jong ka seng, ha kane ka shithi kaba ki la thoh ki la ong “ Ngi kyndit ban tip ba ia ka khyndew sorkar, leh se ka dei jong ka MUDA ba ia ki jaka pyrshah ka khyrdop jong ka NEIGRIHMS la ai sha ki sorkar jong kiwei ki jylla ban shna iing basa.
Ka KSU ka ong ba kane ka jingai kam long kaba shnong nia, ka seng ka seng ba ka sorkar ka dei ban peit shuwa ia ki briew jong ka jylla kiba la jied ia ka sorkar ka dei ban pyrkhat shuwa ia ki briew jong ka jylla, ka seng kam pyrshah ban ai jaka ia kiwei ki jylla lada ka long shawei shawei.
Ka KSU ka don ruh ka jingar tatien ia kane ka rukom ai jaka ia kaba la leh da kiwei ym ha ka por jong u Bah R V Lyngdoh bad kane ka jingai ka long sha ki briew kiba ym lah ban tip la shu ai ia kane ka jaka sorkar kaba long pdeng bad ka seng ka dawa ba ka sorkar ka dei ban khylli biang ia kine ki jngiateh kular.
Kumba ka long ka HospitalNorth Eastern Indira Gandhi Institute of Health and Medical Sciences (NEIGRIHMS) ha Mawdiangdiang, ka dei ka hospital kaba biang eh ha kaba ki briew na kylleng ki wan ban phah sumar ha kane ha ka bad kum juh ki briew jong ka jylla na ki nongkyndong bapher bapher ki wan hynrei ka jingeh ia ki ka long ka jaka sah.
Ka sorkar ka dei ban ai jaka shuwa ia ki briew jong ka jylla bad sa ai ia kiwei sha bad lada ki don kine ki jaka sah na kabynta ki paidbah ka jylla kan long ka jingkyrkhu namar bun na ki nongkyndong ki shem jingeh ban ioh ja ka sah haba ki wan sumar briew ha Shillong.
