Shillong Risaw 16: Ka seng Congress mynta ka dang pyrshang ban khroh biang ia ki lai ngut ki MDC ba kin wan phai biang sha iing, kita ki long u bah Albinus Lyngdoh Bah Victor Ranee bad ia u Bah Hedrian Lyngdoh u ba la shu rung Congress ha dien ba la jap na ka tiket jong ka UDP.
Ki thymmei khubor ki iathuh ba kine ki lai ngut ki MDC ki la ieng rangbah ban weng noh ia lade na ka seng Congress hadien ba la saspon noh ia u Bah PN Syiem kum u dkhot jong ka seng Congress, hynrei na ka liang jong ka MPCC kala pdiang ia ka shithi tang jong ki ar ngut ki MDC, u Bah Antonio War bad jong u Bah Banteidor Lyngdoh.
Kane ka jingleh jong ka MPCC ban nym pdiang ia ka shithi resign jong ki lai ngut ki MDC ka long ba na ka liang jong ka seng Congress kan pyrshang ban khroh biang ia ki ba kin wan phai biang sha ka sem jong ka seng Congress bad kane ka jingpyrshang kala iaid sha khmat.