Shillong, Iaiong 08: Ka Twinklely Grae Iawrod ka ba dei ka samla ka ba siang ryndang ha ka ban rwai na ka thain Mawsynram ka la wan sha khmat ban pynpaw ia ka jingsngew nguh ia ka All Meghalaya Dancer Association ka ba la long ka khynhun ka ban peit ia ka bha ka miat jong ki briew ba don sap ki ba na kane ka Jylla ha ka ban pratlynti khnang ba kin ioh lad ban pynpaw ia ki sap ki jongki ha ki ryngsan ia kop bap her bapher ha kylleng ka Ri India.
Ha ba ia kren bad ki nongpathai khubor ha Shillong Press club mynta ka sngi ka 8 tarik u Iaiong 2024 na ka liang ka samla Twinklely Iawrod ka la pynpaw ba ha kane ka jingleit jong ka ban ia khun ia ka Indian Talent Fight Season 3.
Kane ka samla ka la jop ia ka Best Performance bad ka la pynpaw ruh ia ka jingsngew nguh ia ki kynhun bapher bapher, ia ki paralok bad ia baroh ki ba don bynta ha ka ban kyrshan ia ka hakane ka jingleit jongka ban ia khun ia kane ka Indian Talent Fight.
Kane ka samla Iawrod ka la pynpaw ruh ka jingsngew nguh ia ki kmie ki kpa bad kumjuh ruh ia ki hymen bad ki para jongka ki ba la wan ban ai mynsiem ia ka ba kanlah ban poi sha kane ka thong.
Ka la pynpaw ruh ia ka jingaikhublei ia u President jong ka AMDA ia ka ba u la bytien lynti ia ka ha ka ba kanlah ban ioh ia kane ka Best Performance. Ka la pynpaw ruh ka jingsngew nguh ia ka Sorkar Jylla ka ba la ai jingkyrshan ia ka bad kumjuh ruh ia ki sengbhalang ki ba la iarap ia ka.
Ka Samla Twinklely ka la ong ba ka la leit ban ia shim bynta sha kane ka jingiakop ka dei ha ka 2tarik u bnai Iaiong bad ka la pynpaw ba ka jingiaid lynti jong ka ka long kabaeh ka daw namar ba hakne ka jingiakop ka long ba ki hap ban rwai da ka ktien Hindi kumta ka la buh jingeh ia ka kumta khlem duh jingkyrmen ka la lah ban leh bha bad haduh ba kan da ioh ban khur ia ka best Performance Award na ka Infian Talent Fight Season.
