Shillong, Jylliew 07: Ka sorkar u Dr Mukul Sangma mynta ka sngi kala shim ia ka rai ba ki MLA, ki MDC bad ki shakri sorkar ki dei ban ai jingkhien ia ka jingdon spah jong ki sha ka sorkar man la u snem shuwa ka 31 tarik jong u bnai Lber.
Haba kren ha ki nongthoh khubor mynta ka sngi ha dien ba la wai ka jingialang jong ka cabinet u myntri rangbah ka jylla u Dr Mukul u la ong ba kane ka jingai jingkhien kan sdang naduh u myntri rangbah haduh, ki MDC bad ki shakri sorkar.
Kane ka jingai jingkhein kam dei tang u Myntri rangbah bad ka kynhun minister, hynrei ki MLA, ki MDC bad ki shakri sorkar kum juh. Kane ka jingai jingkhein kam dei tang ia u ne ka marwei hynrei kan long ruh ia ka lok lane u lok bad kum juh ia ki khun kiba dang hap hapoh ka jingpeit jong ki ki kmie ki kpa.
Kane ka rai kaba la shim da ka sorkar ka long ban tehlakam ia ki nongtrei sorkar ban tip ia ka ioh ka kot bad ban pyniaid ryntih ia ki kam ki jam jong ka sorkar.
