Smit, Naitung 2018: Ka jingialang jong ka Central executive Committee(CEC) jong ka seng Hills State People Democratic Party (HSPDP)kala shim ia ka rai ban ha ka election jong u snem 2018 sha iing dorbar thaw ain ka jylla kan seng kan ia khun marwei khlem da don ka jingiateh paralok bad kiwei ki party. La iathuh u bah W Mawsor Genenral Secretary jong ka party.
U Bah Mawsor u la ong ba kiwei ki rai kiba ka seng kala shim ka long ba, kum ka party kan nym ailad da lei lei ruh em ban tih ia u Uranium ha kane ka jylla , lada long ha kano kano ka dur ruh ka seng kan nym lah ban ailad halor kane kam tih Uranium ha kane ka jylla Meghalaya.
Kum ka party kan sa leit ban ia kynduh ia ka sorkar ban ia kren halor ka kam nurse namar ki don ar bynta ki nurse kiba la phah pule da ka sorkar ia kaba la tip kum ki Bonded bad kiwei pat kiba leit ban pule hi da la de bad ia kine la tip kum ki Non-Bonded Nurse , ka seng ka kwah ba ka sorkar haba ka thung kam kan thung shuwa ia kiba la phah da ka sorkar.
Haba ia dei bad ka jingpynrung kyrteng ia ki shipai ha ka electoral roll na ka liang jong ka seng ka pyrshah jur ia kane ka jingleh jong u Chief Election officer jong ka jylla Meghalaya, ha kaba u la shah ia ki shipai ban pynrung kyrteng ha ka bui thet vote jong ka jylla. Ki shipai ki dei ban don ia ka vote thep vote jongki ha la ki jong ki jylla.
Na ka liang jong ka seng kan rakhe ruh ia ka Golden Jubilee jong ka party kaba shisnem lynter kaban sdang ha u snem 2017 bad kan kut ha u snem 2018. La ong u bah 2017 bad kan kut ha u snem 2018 la ong u Bah Mawsor MLA jong ka Mawthungkut.
