Shillong, Jylliew 17: Ki pulit jong ka nongbah ha ka 28 tarik u bnai iaiong jong u snem 2010 ki la ioh ban bat ia ka Suman Deb na Rynjah katba ka dang pyrshang bad die ia ki song jong u wei u jaid jingdih ba pyn buaid ba la tip u Spasmoproxyvon.
Ha dien ba la ioh kem ia ka ki leit ban khynra ia ka iing sah jong ka na Lapalang bad ha ka juh ka por ki la ioh ruh ban kurup ia u ne u jingdih ba pynbuaid, Ki pulit ki la pynngat ia ka suman hapoh jong ka ain NDPS act.
Hadien ba ka iing bishar kala shong bisahr ia kane ka kam ha ka 13 tarik mynta u bnai kala rai pynrem ia ka da ka set phatok ia ka 10 snem bad ka kuna kaba shilak tyngka.
Ia kane ka kam la tohkit da u Sub Inspector Subir Sangma u ba long u PI jong ka Khliehriat mynta ia kane ka mukotduma la but dien da u HP Lytan hapoh ka jingpeit jong u Deputy Superintendent ki Police(Crime) u Bah Vivek Syiem,MPS u ba la bat mynta ia ka kyrdan Superintendent ki Police(City), Shillong.(SP News)