Shillong, Naitung 05: Ka jinialang kaba la long mynta ka sngi ha pdeng ka KHADC bad ki trai khyndew lem bad ki nongkhaii ha Khasi National Dorbar Hall, kila shim ia kawei ka rai ba kin leit ban ai tang kawei ka ‘Affidavit’ sha ka iing bishar kaba ha khlieh duh jong ka Ri India ka Supreme Court halor ka jingshah khang tih marpoh khyndew ha kane ka jylla.
Ki trai khyndew kiba la poi sha kane ka jingialang ki dei na ki thain Shella, Sohbar, Mawlong, Nongjri bad ki thain Shallang, namar ha kine ki thain ki don ki marph khyndew kum u dewiong bad u Mawshun. Na ka liang jong ka KHADC la don lang u CEM, u Bah P N Syiem bad ki EM.
Ha ka jingkren jong u CEM ha kane ka jingialang u la ong ban naka liang jong ka KHADC ka kwah ban ia phylliew jingmut bad ki trai jaka bad kinongkhaii namar namar ka jaka kam dei jong ka District Council hynrei ka dei ka jong ki paidbah dei halor kane ka nongrim ba ka KHADC ka khot ia kane ka jingialang ban ia mir jingmut lang.
Ha kane jingkren jong u Bah Syiem u la ong ba kala d on ka mut kotduma ha u snem 2013 ha kaba ka iing bishar kaba ha khlieh duh jong ka Ri India kala rai ba haki jaka ba dei jong ki riew shimet ki mar poh khyndew ruh dei jong ki riew shimet. Ha kane ka jingialang kala don ka jingiammir jingmut kaba sani bad ki sa shim ia ka rai ba, ba kin leit sha supreme court tang kawei ka sur halor ki kam marpohkhyndew.
