Shillong, Jymmang 13: Mynta ka sngi ki nonghikai kiba dei na ka All Meghalaya Adhoc Upper Primary School Association kila pynlong ia ka jingiakynduh lang ka jong ki ha Shillong ban ia kren halor ka jingkular jong u Myntri rangbah ka jylla ban kyntiew ia ka tulop jong ki nonghikai.
Kane ka jingialang kaba la long mynta ka sngi ka long tang ban pynshai halor ka jingkular jong u myntri rangbah ka jylla ban kyntiew ia ka tulop jong ki nonghikai bad kila ia kren ruh ban pynlait ia ka tulop jong ki ha ka por kaba biang,
Ha kane ka jingialang kine ki nonghikai kiba dei na katei ka kynhun kila shim ia ka rai ban pynkup burom ia u myntri rangbah u ba la leh ia kaei kaba u la kular na ka bynta ban pynkiew ia ka tulop jong ki kaba kila juh dawa na ka por sha ka por.
