Shillong, Risaw 02: Ka jylla Meghalaya mynta ka sngi kala rakhe ia ka jingdap ar snem jong ka Swatch Bharat ryngkat bad ka Ri Baroh kawei kaba dei ruh ka sngi burom ia ka sngi kha jong u kpa ka jaidbynriew u Mahatma Gandhi.
Ha kane ka sngi wat la ka dei ka sngi u blei, hynrei la pynlong ia ka jingpynkhuid shnong ha kylleng ki jaka , ha kane ka nongbah shillong la pynlong ia ka jingpynkhuid ia ka Iewduh hakaba u Lat jong ka jylla u V Shanmuganathan u la ia shim bynta lang.
Haba kren ha kane ka sngi kum u kongsan , na ka liang jong u Lat u la ong ban pynneh pynsah ia ka jingkhuid jingsuba ka dei ban sdang na u wei pat u wei, shimet shimet bad kane kan wanrah ia ka jingkhuid jingsuba kumba long ka shnong Mawlyngnong bad u ong ba kane ka Iewduh ruh kan sa khuid da don ka jingiatreilang.
Kiwei ki heh sorkar kiba la ia don lang ha kane ka sngi na ka liang jong ka KHADC la wan ban mih khmat da u Bah Hadrian Lyngdoh EM, u Bah PS Dkhar DC ka East Khasi Hills District, ka kong ROshan Warjri, Bah RV Lyngdoh baroh arngut kine ki dei ki myntri jong ka sorkar jylla. Ryngkat ka hima mylliem ha kaba u syiemjong ka hima u Pa’im Ricky Nelson Syiem ruh ia la ia don lang.
Ha kane ka sngi ka Shillong, Cantonment Board ruh kala rakhe ia kane ka sngi Swatch Bahrat da kaba pynlong ia ka jingpynkhuid ia ki jaka jong ka cantonment khamtam eh ia ka thain Anajlee bad kiwei kiwei ki jaka kiba hap hapoh ka jingpeit ka jong ka.
