Shillong, Jylliew 07: Ka Khasi Student’s Union Iooksi Unit myn hynnin ka sngi 6/6/16 kala ioh ban rakhe iaka sngi pynneh Mariang ( World Environment Day) ha Iooksi ( Kupli) Park daka programme Thung dieng ( tree plantation) bad ban pynkhuid iaki sawdong sawkun jong ka Park kaba don ha kane ka Shnong iakaba la tip kum ka Iooksi ( Kupli) Park.
Iakane ka jingrakhe la pyllong ha ryngkat ka jingiatrei lang ka Iooksi Center School Organisation ( ICSO) , ki Nonghikai, bad Ki khynnah skul jong ki skul bapher bapher kiba don haka Shnong Iooksi.
Iaka jingialang la pyniaid da u Samla N Sutnga , Adviser KSU Iooksi Unit, Ha ka jingiadon lang u Ma Nehemaya Tyngkan u ba long ruh kum u Kongsan ha kane ka sngi. Bad la ioh ruh iaki jingkren na u Samla J Paul Lyngdoh Education Secretary KSU JHDU, Samla Return Passah President ICSO, Ma H. Pachiang Secretary ICSO , Samla Iaemlang Secretary KSU Iooksi Unit.
Haba ai jingkren haka kane ka jingialang naka Liang u samla J Paul Lyngdoh u la ai ka jingiaroh iaka Seng KSU Iooksi Unit kaba la pyni shisha iaka jingieid Mariang jong ka da kaba la pyllong ia kum kane ka program kaba donkam shisha naka bynta ban pynsngewthuh iaki Paidbah khamtam ia ki khynnah skul ba kumno ngin pynneh pynsah iaka Mariang.Ula ong ruh ba ki daw ba Balei? “Ki lum ki lah syllen lut kumne dei tang namar ba ki briew kiba khwan myntoi shimet ba ki sngew donkam eh tang iaka pisa ym ia ka jingkoit jingkhiah.Lada ym don ki dieng ki siej ki mrad ruh kin sa duh jait noh hadien wat mangi ki briew ruh ngin sa duh jait noh hadien”.
Katba naka Liang u Ma Nehemaya Tyngkan pat haba ai jingkren haka jingialang ula pynpaw iaka jingsngew kmen ban ioh ia don bynta bad Ki khynnah skul, ki nonghikai bad ruh bad Ki dkhot ka seng ha kum katei ka program kaba kongsan tam.
Ula ong ruh ba ka Shnong Iooksi shisien ka sngi ngi lah khot ka Shnong kaba jyrngam bad kaba la dap satang ki dieng ki siej kiba heh bad Ki ba itynnad suda,Ka wah Kupli ba itynnat kaba don iaka um ba khot ka”Umshit”(Hotspring) kaba khring ia ki nongwankai kaba long ka jaka sum ka ba lah ban pynkoit haba Mihkhniang sha doh(Skin Bruises) Hynrei ha ka jingrhah spah bad ka jingkhwan lalot jong ki briew Suki suki Kane ka jingjyrngam ka jingitynnat ngi lah duhnoh iaki mynta.Na kata ka daw Mynta pat ia kane ka jaka jong ngi lah khot “Paradise Lost” haba Kat shaba phai ngi la lap satang ki lum kiba la syllen khlem don dieng suda”. Haba kren u tei u samla u la pynsngew ruh ba lyngba kane ka lad ba ka KSU ka lah pynlong ngi lah ban pynjyrngam bad ban pynitynnad biang ia kane ka jaka jong ngi kumjuh ruh ka long ka nuksa ia kiwei ban pynlong kum iakane ka programme ban pynneh pynsah iaka mariang”.
