Shillong, Naiwieng 05: Mynta ka sngi u Genenral secretary jong ka BJP ba dei peit ia ka jylla Meghalaya u Nalin S. Kohli u la pdiang sngewbha ia ki san ngut ki MDC sha ka Party BJP ha ka jingialang kaba la long mynta ka sngi ha Assembly Hotel Shillong ha ka jingiadon lang u Bah Shibun Lyngdoh presidet jong ka state Unit.
Ki san ngut ki MDC kiba la pyniasoh bad ka seng BJP mynta ka sngi ki long u Bah Neil Antonio War MDC jong ka Laitumkhrah hapoh jong ka KHADC,u ba bat ruh ia ka kam EM hapoh jong ka EC uba la resign na ka seng Congress halor ka nongrim ba ka Congress kala beh ia u Bah PN Syiem khlem ka daw.
Ki saw ngut ki kiwei pat ki dei na GHADC, u Ismail Marak , kum u MDC Shimet, u Khorus Marak ba dei jong ka NCP u ba la wan ban pynia soh mynta bad ka BJP, u Rigsteeus Sangma u MDC shitmet bad u Saiful Rehaman une ruh u dei u MDC shimet kiba la pyniasoh ba dka BJP mynta ka sngi.
Ha kane ka sngi ka BJP kala pdiang sngewbha ruh ia u Bah Field marshall Mawphniang MDC barim jong ka Unroi Constituency u ba dei n aka seng UDP bad mynta ka sngi u la pyniasoh ia lade bad ka BJP nap oh jong ka Ri Bhoi District.
Ha kane ka sngi la pdiang burom ia ki baroh sha ka party da u general secretary jong ka BJP ba dei peit ia ka jylla Meghalaya u Nalin S. Kohli ha ka jingiadon lang u president ka seng jong ka Meghalaya Unit u Bah Shibun Lyngdoh, u Genenral Secretary ka sengu Bah David Kharsati bad kiwei kiwei ki nongkit kam jong ka seng.
