Jowai, Kyllalyngkot 27: Ka Dorbar Ki Dolloi kaba la long ha
, ha ka 25 tarik January 2013, hadien ba la ioh ia ka jingpynshai na u Bah John F Kharshiing, Chairman Ka Dorbar Ki Khlieh Nongsynshar Ka Ri Hynniewtrep, & Spokesperson, Federation of Khasi State, ki la rai ban mih paidbah sha ka Dorbar Ri kaba KYRPANG bad kaba SAW ha ka 13 tarik February, 2013, ha Mairang, Hima Khadsawphra/Nongkhlaw.
Ka Dorbar Ki Dolloi ba la pyniaid da u Ma K Comet Rymbai, Dolloi Elaka Jowai, ka lka shim ia ka rai ban kyntu jur ia baroh ki Rangbah Shnong, Rangbah, Longkmie, Samla Kynthei bad Shynrang, ki khun ki hajar ban ia poi ryntih sha ka Dorbar Ri kaba KYRPANG kaba SAW, (Fourth Peoples Parliament) ha ka 13 tarik February 2013, ban ia kren halor ki jingdawa ban ioh ia ka jingithuh hapoh ka Constitution ka Ri India
Ha ka tei ka jingialang kiba la ia kren bad kiba la don lang ki long Dolloi Elaka Raliang, Dolloi Elaka Nongbah, Dolloi Elaka Amwi, Dolloi Elaka Darrang, Dolloi Elaka Narpuh, Dolloi Maskut, u Bah RN Parien, President JSU, u Bah D Laloo, President MPUF, ki Rangbah Shnong, ki Secretary Shnong bad kiwei kiwei.(SP News)
