Shillong, July 04: Ia ka iing skhul kaba thymmai jong ka Ramakrishna Mission la plie mynta ka sngi da u Lat jong ka jylla u V. Shanmuganathan ha Shella hapoh jong ka East Khasi Hills, Meghalaya,ha kaba u MLA jong kane ka jaka u Dr. Donkupar Roy,u la ia don lang, u heh jong ki BSF u P. K. Dubey, ka kong P. Lawai, Secretary, SPVS bad kiwei kila ia don lang.
Ka jingtei ia kane ka iing skul la bei pisa da ka Special Purpose Vehicle Society (SPVS), kaba dei ka seng kaba la shna kyrpang na ka committee kaba kyrpang ka ban peit tang ia ki skhim pynroi ha ki shnong kiba don sawdong jong ka jaka tih mawshun jong ka kompani Lafarge-Umiam Mining Pvt. Ltd.
Kane ka skhim kaba la bei pisa lyngba katei ka kompeni kan long tang ia kito ki shnong kiba don 50 Km sawdong jong katei ka jaka tih mawshun ha Nongtrai. Ha kane ka juh ka sngi u Lat ka jylla bad u MLA kane ka jaka kila sam jain kup sha ki 1118 ngut ki briew kiba dei na ki hynniew tylli ki shnong kum ka, Jatap, Pyrkan, Umploh-Ichamati, Kalibari, Bholaganj, Kalatek and Shella.
