Shillong, Nailar 23: Ka jingiakhih jong ki nongtrei, kiba duh trei ha ka kam synreit dawai sha ki nongkyndong ha kaba ia dei bad ka kam malaria kila sdang mynta ka sngi ia ka jingiakhih da kaba shah thngan kaba khlem buh por ha khmat ophis jong ka tand ka koit ka khiah kaba don ha Laitumkhrah Shillong.
Ha kane ka sngi sdang jong ka jingiakhih da ki phew ngut ki ne ki nongtrei hapoh jong ka lama All Meghalaya Malaria Programme Worker Association (AMMPWA) kila sdang ia ka jingiakhih ka jong ki wat la kim shym la ioh ia ka jingbit na u Deputy Commissioner jong ka East Khasi Hills District wat la ki la dep ban pan.
Ha kane ka sngi sdang kiba la poi sha kane ka jingiakhih ban shahthgnan khlem buh por kila ia poi haduh 40 ngut ki dkhot jong ka seng bad la ong ba la shai ka sngi kin dang ia poi shuh ban ia shim bynta ha kane ka jingiakhih ban pynbor ia ka sorkar b aka dei ban shim biang ia ki ha ka kam kaba kila trei la bun bun nsnem.
Kumba ka long haduh mynta na ka liang jong ka sorkar kam shym la phah iano iano ruh ban ia kren bad kine ki nongtrei kiba la dawa na ka por sha ka por ba ka shim biang ia ki namar ka jingtrei ka dang don kam ha ki nongkyndong.
