Shillong, Naitung 17: Ka Lympyng ialehkai baar sngi, ka East Khasi Hills U-19 Judo Championship 2014 kan sdanglashai ka sngi ha ka por 8 baje ha Indoor Sports Hall. JN Stadium Polo
Ia kane ka lympung yn plie pyrda da ka Kong Telina Thangkhiew, Chairperson KHADC kum ka Kongsan katba u Bah Kennedy Khriem, MLA ka Mawphlang bad ruh u Parliamentary Secretary ka Sorkar Jylla un shim ia ka bynta kum u kongsan ban pynhap pyrda ha ka 19 tarik.
Ka Meghalaya Judo Association (MJA) ka la pyntip ba ka jingbishar bniah ia ka rta ki khynnah mynta ka sngi 17 tarik ha ka por 11 baje ha Judo Hall, Polo bad la bud sa ka jingrakhe burom ia u Syiem Tirot Sing da ka tnad ialehkai ka Jylla bad kiwei kiwei ki prokram.(SP News)
