Shillong, Jymmang 12: Ka Director ka tnad ialehkai jong ka sorkar jylla mynta ka sngi kala khot ia ka jingialang jong ki committee bapher bapher ban ia kynduh lang ban ia mir jong mut ha kaba ia dei bad ka jingpynkhreh ia ka National Ganes ha kane ka jylla kaban long ha u snem 2022.
Ia kane ka jingialang la pyniaid da ka Kong Matsiewdor Nongbri kaba dei ka Director jong ka tnad ialehkai jong ka sorkar jylla. Ha kane ka jingiakynduhlang la don lang ruh ki khlieh jong ki kynhun seng bapher bapher kiba dei na ki jingialehkai kiba bun jaid kiba don ha ka jylla.
Ka jylla Meghalaya kan sa pdiang ia ka jingialehkai National Games ha u snem 2022 bad ha u ne u snem ka jylla Meghalaya kan sa rakhe ia ka jingdap 50 snem jong ka jingioh jylla bapura, na ka liang jong ka sorkar mynta ka hap ban pynkhreh ia shibun ki kam ban pynlogn ia kane ka jingialehkai kaba shongkun.
