Shillong, Nailur 05: Ka seng Congress ha ri lum Garo kala sdang ban twa ha kaba u MDC jong ka Naguapara Constituency u Dhormonat Ch Sangma uba la jop n aka tiket Congress mynta u la leit ban pyniasoh ia lade bad ka seng National People’s Party (NPP).
Une u MDC u la dep ban phah ia ka shithi ba u la pyniasoh ia la de bad ka seng NPP sha u national president jong ka seng u Conrad K Sangma bad ha ka juh ka por u la ai ka jingkyrshan ia ka Executive Committee jong ka GHPA ha GHADC kaba la ialam da ka seng NPP.
Ia ka EC kaba la ialam da ka seng NPP ha GHADC la dang pynskhem shuh shuh ha kaba u une u MDC u la thoh sha u Chairman jong ka GHADC u Boston Marak ba un ai ka jingkyrshan ia kane ka EC kaba mynta, ha ka juh ka por u MDC shimet na Gasuapara jong ka South Garo Hills u Devier M Sangma ruh u la phah da ka shithi ban ai jingkyrshan ia ka GHPA ha GHADC.
