Amlarem, Naitung 05: Ki saw ngut ki snar nongtuh kwai hynnin ka miet ha ka por 9 baje eiei ki la shah kem ha ki VDP jong ka shnong Syndai Mission kaba hap hapoh jong ka Amlarem Sub- Division bad ha ryngkat bad Kali Pick Up kaba kit ia ku kwai kaba don u No ML 04 B 5697.
Ia kine ki nongtuh la tip kyrteng ia ki kum u Opuhar khar na ka shnong Trangblang ,Lidon Syrti uba shong basah ha Bilaipur (Cachar District) Rin kyndait u bym shem la tip shnong bad u Marti Phawa na ka shnong Tuber Kmaishnong.
Ha kaba ia dei bad kane ka jingtuh kwai jong kine ki snar nongtuh ba hadien ba ki la dep rong ia u kwai na ka jaka pdem ki katto katne ki long iing kaba hapoh jong ka thain jong ka shnong Syndai , bad hadien ba kine snar nongtuh ki la iohi ba ki trai jong kine kwai ki la wan ki la phet krad ha ryngkat bad ka kali Pick Up bad kila mut iaid lyngba jong ka wah Myntdu kaba don ha shnong Kharkhana bad Borghat hynrei ha ka jingdap jong ka um kim shem la lait shuh ban iaid nangta bad lyngba kane ka jingeh ia kin a ka liang jong ki VDP jong ka Syndai Mission ki la ioh ban lap dien ia ki ha ka tei hi ka jaka .
Bad hadien ba ki la ioh ban kem ia ki snar nongtuh na ka liang ki VDP jong ka Syndai Mission ki la pynkit mar mar sha shnong Syndai na ka bynta ban tohkit ia ki ha kaba ia dei bad kane ka bynta bad hadien ba ki la dep tohkit ka jing tohkit na ka liang jong ka Shnong Syndai Mission bad ki VDP ki la aiti ia ki sha ki Pulit na ka bynta ban pynshitom ia ki kat kum ka ain.