Shillong, Lber 31: Ha ka miet 30 tarik mynta u bnai ki briew kiba ym lah ban tip kila thang ia kawei ka jingkieng iaid kali ha ka shnong Photkroh kaba hap hapoh jong ka South West Khasi Hills District.
Kane ka jingkieng kala duh bad mynta ia ki kali kiba leit sha ki thain Ranikor la hap ban iaid lyngba jong ka surok jong ki shipai BSF ia kaba la tip kum ka Border Road. Na ka liang jong ki pulit ki dang thohkit ia kane ka jingjia ban lap ia ki riew sniew.
Na ka liang jong u SP jong ka South West Khasi Hills haba kren ha u SP News Agency u la ong ba haduh mynta kim pat ioh kem iano iano ruh ha kaba ia dei bad kane ka jingjia hynrei ka jingtohkit ka dang iaid.
La ong ba la pyntip sha ka Deputy Commissioner jong ka SWKH District na ka bynta ban leh ia kaba don kam kumba ka long mynta ki kali kim lah shuh ban iaid na kane ka jaka bad ki la hap ban iaid lyngba jong ka Border Road.(SP News)
