Shillong, Lber 18: Ki bor ba dei peit iaka District Administration jong ka East Khasi Hills District kala dang pynkhreh mynta ban pyniaid ia ki skul bus khamtam ha ki thian Laitumkhrah kaba la wanrah ia ka jingdheng kali ha ka por leit bad por leit shaw skul bad kane kala buh jingeh shisha.
Ki bor jong ka District Administration ha kine ki sngi kin sa leit ban jurip ia ki jaka pynieng ia ki Bus ban pynhiar ia ki khynnah skul ha ki skul kiba don ha ki thain Laitumkhrah kane ka long ban sngewthuh kumno ban leh ynda la pyntreikam ia kine ki Bus skul.
Ka Deputy Commisisoner jong ka East Khasi Hills District kala thoh da ka shithi sha ki principal jong ki skul kiba don ha ki thain Laitumkhrah ban ia shnoh kti lang ha ka por ban don ka jingjurip ban pynieng ia ki skul bus ban buh bad ban wan shaw ia ki khynnah skul.
Ia kane ka jingai jingmut ka tand pulit ba dei pyniaid ia ki kali kala dep ban ai jingmut sha ka sorkar la bun snem mynta hynrei ia kane ka jingai jingmut jong ki pulit ban pynlait ia kane ka jingkhap ngiah kali la buh sha kyndong bad mynta ia ka jingai jingmut kaba la slem la thmu ban pyntrei kam.
Haba ia dei bad kane ka tnad pulit kala khot ruh ia ka jingialang bun snem mynshuwa ha ophis jong u Director General ki pulit ia ki rangbah shnong kane ka nongbah Shillong ha kaba kila sngew ia hap ia kane ka jingai jingmut ban pyniaid da ki skul bus ban leit buh leit shaw ia ki khynnah skul ban lait na ka jingdheng kali.
