Shillong, Nailar 25: U MLA jong ka Jirang u Bah Sosthenes Sohtun u la shim khia hi da lade ban peit ba ki jingiarap na ka sorkar kin poi kloi sha kito ki long iing kiba la shah ktah ha ka jingshlei um ha Byrnihat ha ka sngi thohdieng. Ban pynsted ia ka kam u la leit hi da la de ban jurip ia katei ka thain.
Haba kren ha u SP News Agency, u la iathuh ba ka jingjulor kala ktah eh ia ka shnong Umpher , haba ia dei bad ka skul St Jude na ka liang jong ka tnad pynlip dieng kala phah ia ki kali ban iarap pynkhuid ia kane ka skul bad mynta ka sngi ruh ki dang ia leh ban pynkhuid ia kane ka jaka.
Haba ia dei bad ka jingkhlad noh jong ki briew na ka daw jong ka jingtwa khyndew la ong ba u ba khlad dei tang u wei ba hap hapoh jong ka jylla Meghalaya kiwei kila dei ha ka bynta jong ka jylla Assam.
La iathuh ba na ka liang jong u kum u MLA ka thain u la dep ban ia kren bad ki bor jong ka District Administration ba kin pynpoinoh ia ki jingiarap sha ki paidbah kiba la shah ktah ha kane ka pynjulor ka Mariang. La iathuh ba la shai ka sngi na ka liang jong ki bor jong ka District administration kin lah ban leh ei ei noh ban iarap ia ki paidbah.
