Shillong, Risaw 08: Ka Khasi Jaintia Presbyterian Higher Secondary School mynta ka sngi kala rakhe ia ka jingdap jong kane ka skul 125 snem.
Ha ka jingkren jong ka kong Roshan Warjri myntri ka koit ka khiah, kala ong ba ngim lah khlem da pynpaw ia ka jingsngewnguh ia ki missionary kiba la wan sha kane ka jylla, nalor ka kam ialap kaba ki trei ban pynphriang ia ka ktien jong u Blei, hynrei kila seng ia ki skul bad ki hospital na ka bynta ka jingmyntoi jong ki paidbah kane ka thain.
Ka kong Roshan kala ong ba ha kine ki snem baroh, kane ka skul kala sei bun ki riew khraw ha ka imlang sah lang kiba la mih na kane ka jaka. Bun na ki samla kiba pule ha kane ka sngi mynta kila don hala ka jong ka jong ka kam ban trei na ka bynta jong ka Ri. Ki jingialehkai kaba la pyni daki khynnah kane ka skul mynta ka sngi namar ki don ia ka jinghikai kaba khraw ha ka imlang sahlang.
Ha kane ka sngi, ka kong Roshan kala pynbna ruh b aka sorkar kala mang T.1.57 klur tyngka ban tei ia kane ka skul ban kyntiew ia kane ka skul bad ha ka juh ka por ruh kala ong ba na ka liang jong ka MLA skhim ruh kan ialeh ban iarap ban kyntiew ia kane ka jaka ai jinghikai.
Na ka liang jong ka Principal jong kane ka skul ka kong HM Marwein, kala pynpaw ia ka jingsngewnguh ia ka myntri jong ka sorkar kaba dei ruh ka MLA jong kane ka jaka kaba la pynbna ia kaei kaba ka sorkar kala leh na ka bynta kane ka skul.
Ia kane ka sngi rakhe ia ka jingdap 125 snem jong ka skul da ki khynnah kane ka skul ki wei dei kiba la shah khot kyrpang ha kane ka sngi. Ban pynphuh pynphing ia kane ka sngi kila don ki jingrwai jingshad bad ki jingialehkai na ki khynnah skul.
