Silchar Nailar 07. Ka Fresher meet kaba juh pynlong mynla u snem da Ka Khasi Students Union, Barak Valley Circle ka la shisha kaba shongshit bad shongkun ia kaba la pynlong ia ka kane ha Gandhi Bhawan hapoh nongbah Silchar jong ka jylla Assam ha ka jingdonlang u Rev H.C Lamare uba long kum kongsan ha kane ka jingiakyn duhlang , Education Secretary ka KSU Central Body I Bah Donald Thabah, President KSU Jaintia Hills Circle u bah Ohibait Dkhar , President KSU BVC u Bah Morningstar Suja, General Secretary KSU BVC I Bah Wanbor Pdang , Ast GS KSU BVC I bah Lovingwel Mukhim, U GS jong ka KJDCDC i Bah Charles Rymbai ha kaba la wan sakhi lang ruh da ki samla Khasi kiba pule kane ka Nongbah , ki paid Khasi kiba shong basah ha ki Lai tylli ki District jong ka jylla Assam .
Ha shwa ban sdang kane ka prokram i General Secretary jong ka K.S.U Barak Valley Circle ula ong ba man la u snem ka Seng Khasi Students Union barak valley Circle ki juh pynlong ia kane Freshers meet program bad ki ai ruh ki Awards ia ki samla pule ki ba leh bha ha ka jingpule jong ki bad ha man la u snem ki ioh ruh la kum ba 70-80 ngut ki samla khasi ki ba pass ia ka class 10 bad ha kata ka program la ioh ruh ban ia ki jingsneng jingkyntu. U Bah W.Pdang u ong ruh ba la ioh shibun ki jingmut ban myntoi ia ka jaid ki ba sah sha Barak Valley, Assam haba don kum kine ki program khamtam kum ia ki ki riew rit pait ki ba sah shatei sha ri thor Barak Valley, Asaam.
Haba u Education Secretary ka KSU Central Body u Bah Donald Thabah I ai jingkren i la pynpaw sngewsarong ia ki paid khasi ki ba shong shnong basah ha ha kine ki thain ia ka jingri kyndon jong ki ia la ka kolshor bad ia ka jing iatylli ka jong ki ia ka bynta ka iap ka I jong ka jaidbynriew bad I ha kajuh ka por u kren ia ki jingkren ai mynsiem ruh ia ki ha ki ba bun ki bynta khamtam ha kaba iadei bad ka rukom im rukom sah jong ki ha kine ki thain.
Bad haba ngi phai pat na ka liang u kongsan I Rev H.C Lamare u pynpaw jingkmen shibun eh da kaba ai khublei ia ka KSU Barak Valley Circle ia ka jingthmu jongka ban pynlong ia kum kane ka program ka ban pynlong ia ka jingiadei kaba jan na ka bynta baroh ki paradoh ki para snam kiba sah sha kine ki jaka bad I la kyntu ruh ia kane seng ba kan long kum ka nongap langbrot ban leit wad ia baroh ki paradoh parasnam kiba shong basah ha kane ka thain khnang ba kan long kaba khlain lyngba ka jingiatylli bad ha kajuh ka por kyntu shuh shuh ba kin long kiba sngewrit ,kiba iarap ia kiwei kiwei na ka bynta ki paradoh parasnam ba ymdei ba ki sngew ha nga khnang ba kan long kla burom ha khmat u briew bad u Blei ruh kumjuh.
Bad ba ha shwa ba kane ka prokram kan kut na ka Liang u Education Secretary KSU BVC I la ka jingkhublei da ka jingsngew kmen ia ka K.S.U central body bad ia kiwei kiwei ruh ki para doh para snam ki basah sha Meghalaya ia ka jingiarap jong ki ia ka seng K.S.U Barak Valley Circle Assam, bad ia u para doh para snam hi baroh kawei .