Shillong, Lber 29: U Lieutenant General Subrata Saha, Deputy Chief of Army Staff (P & S) u ba bat ruh ia ka kyrdan Colonel ha ka kynhun shipai jong ka Assam Regiment bad Arunachal Scouts, u la shong that noh na ka kam mynta ha ka 31 tarik mynta u bnai ha dien ba u la shakri ia ka ri ha kine ki 39 snem kiba la leit noh.
Ia ka jingaiti ia ka kam sha u wei pat u heh shipai hapoh jong ka Assam Regiment sha u Lieutenant General Balwant Singh Negi la pynlong mynta ka sngi u ba bat ia ka kyrdan General Officer Commanding In Chief, Central Command ha ka jingleh burom kaba phuh baphing mynta ka sngi ha happy valley, Shillong.
Kumba ka long ka kyrdan Colonel hapoh jong kane ka regiment ka kdei ka kyrdon kaba la pynkup burom ia kito ki shipai kiba la don slem bha ha ka kam, kane ka kyntien Colonel ka dei ka jingkhot ieit kum ka kyrdan kpa, u Lieutenant General Subrata Saha u la long u colonel ha kane ka kynhun shipai naduh ka 17 tarik u bnai jylliew jong u snem 2014, ula ialam ia kane ka kynhun shipai sha ki ar tylli ki Republic Day Contingent ha kaba kane ka kynhun shipai kala jop bad u la long u wei na ki heh shipai ba paw ha ka kynhun shipai jong ka Ri.
Kane ka kynhun shipai kan rakhe ia ka Platinum Jubilee, hapoh ka jingpeit jong u naduh u Naiwieng 2016, kane ka kynhun shipai mynta ka saw tylli ki shnat shipai ha kaba la aiti ia ka kam da u khlieh shipai ryngkew ba ha khlieh duh bad kane ka kynhun shipai kan dang kiew hapoh ka jingpeit jong u Army Commander, ka Central Command, Lieutenant General Balwant Singh Negi.
