Shillong July 09: U Lat jong ka jylla u V.Shanmuganathan mynta ka sngi u la ong ba u sngewkhia jur halor ka jingkhlad noh jong ki long kmie ha ka por ba ki kha khunlung, ia kane u la kren ha ka por ba u plie paidbah mynta ka sngi ia kawei ka lad jingsumar ia kaba la tip kum ka Pradhan Mantri Surakshit Matritva Abhiyan (PMSMA) na kabynta ka sngi Khasi Hills District ha ka jingialang kaba la pynlong ha Nongmynsong ia kaba la pynlong da ka District Medical & Health Officer, East Khasi Hills District, hapoh kajingpyniaid jong ka National Health Mission ha St. Jerome School.
Haba kren ha kane ka jingialang na ka liang jong u Lat ka jylla u la ong ba katkum ka jingkhien ka pyni ba ka jur bha kane ka jingkhlad noh jong ki kmie ha ka por ba kha khunlung, halor kane u khot u wei ia baroh ban ia shnoh kti lang kum ki seng niam, ki seng bhalang bad kiwei kiwei ban hikai ba kumno ka kmie kan lait na ki jingmynsaw haka por ba kha khunlung.
Naka liang jong u Lat ka jylla u la kyntu jur khamtamia ki long kmie kiba dang ar met ba kin iapoi ha kum kane ka jinghikai bad la bthah iaki ba ki dei ban leit sha ki PHC, CHC ha ka por ba ki armet ban ioh ia ki jingsumar kiba biang khnang ba kan nym don kano kano ka jingeh ymda la dei ka pork ha.
Ha ka jingkren jong u myntri ka koit ka khiah u la ong ba ka long kaba kongsan ia ki kmie ba kin leit ban phah sumar ha ki jaka ai jingsumar jong ka sorkar khnang ba ka kmie bad I khun ba pun kin koit kin khlain bad kane ka jingkhlain jong ka kmie bad I khun ka iaprap ban pynduna ia ka jingkhlad jong ki kmie ha ka pork ha khunlung.
Kane ka skhim kaba la plie mynta ia kaba la tip kum ka PMSMA ka dei ka skhim jong ka sorkar na ka bynta ban pynkhlain shuh shsuh ia ka rukom ai jingsumar ia ki briew hapoh jong kane ka Ri baroh kawei bad man ka khyndai tarik jong u bnai kan don ka jingsumar ei ha baroh kihospital ha ka Ri India.
Ha kane ka sngi la donlang u myntri ka koit ka khiah ka jylla u bah AL Hek, kiheh sorkar jong ka tand ka koit ka khiah bad shibun ki paidbah kila wan ban ia shim bynta ha kane ka sngi ki briew kiba dei na katei ka thain,
