Shillong, Jymmang 25: Kala sniew palat ka result “Secondary School Leaving Certificate Examination 2018”. Haba khein kyllum ia baroh kiba la ialeh ia kane ka exsamin kiba pas ki long tang 56.76%.
Ki khynnah baroh kiba la ialeh ia kane ka exsamin ki long 51366 ngut, kiba la wan thoh ia ka examin ki long 50077 ngut na kine kiba pas ki long tang 56.76 %. Ia kane ka jingpas la khien kyllun lang ia baroh kiba ialeh na ki skul ia kaba la tip kum ki “regular” bad kiba shu ialeh shimet ia kiba la tip kum ki “Private”.
Ki khynnah kiba la ialeh ia ka exsamin SSLC kiba la tip kum ki regular ki don 21836 ngut kiba la wan toh ia ka examin ki don 21734 ngut bad kiba pas ki long 83.89%. Kane ka kdew shai ba kito kiba ia leh ia ka eksamin lyngba ki skul ki khynnah ki dang bun kiba pas.
Ki khynnah kiba ia leh ia ka eksamin khlem da toh ia ka test, ki long 12125 ngut bad kiba la wan ban thoh ia ka examin ki long 11978 ngut bad kiba pass ki long 6301 ngut bad kiba pass ki long 52.60%. Kiba ia leh pat ia ka examin khlem ta thoh test ki long 17405 ngut bad kiba la wan thoh ia ka eksamin ki long 16565 ngut kiba pass ki long tang 3890 ngut bad kiba pass ki long 23.77%.
Ha kane ka result SSLC ka skul kaba leh bha ka dei ka Sherwood School Tura, ha kaba ia ka kyrdan wei haduh saw la ioh da ki khynnah kane ka skul bad kum juh ia ka kyrdan 7 bad 18 ruh la ioh na kane ka skul na pdeng ki 20 ngut ki samla pule kiba la pas ha kane ka SSLC Exsamination 2018.
