Shillong, Naiwieng 05: U Genenral Secretary jong ka BJP ba dei peit ia kane ka jylla Meghalaya u Nalin S. Kohli u la kynnoh b aka Congress kala pynkhien ia ki rule ki ain baroh hapoh jong ka KHADC tang ban wad ia ki lad ki lynti kumno ban ioh knieh ia ka bor hapoh jong ka KHADC.
Ban pynskhem ia kane ka jingkynnoh u la ong ba ha dien ba la hiar shuki u Chairman bad u Deputy Chairman hapoh jong ka KHADC, ka sorkar kumba ka paw ha ki lad pathai khubor bad ka kwah ban thung Protem Chairman da u Deputy Commissioner, ha kaba ka rule 12(I) kala kren shai kdar, haba don ka jingthylli ha kine ki kam dei banthung da u sitting MDC hynrei ka sorkar kala pynkhein ia kane ka kyndon.
U Kohli, u la ong ba ha kane ka jylla mynta hapoh ka Congress, ka don ka jingialeh kaba jur ha kaba u Bah PN Syiem u ialeh ban bat ia ki rule ki ain, katba u Dr Mukul Sangma myntri rangbah ka jylla tang ban ioh knieh ia ka bor u la pynkhien ia ki rule ki ain hapoh jong ka KHADC.
U la ong ba ki paidbah mynta kila ngiah ia ka seng Congress bad kane ka MDC elelction shiteng samoi kan sa pynpaw bad ki paidbah kila ngiah ia ka seng Congress. U kyntu ia ki paidbah ba kin ia mih paidbah ha ka sngi thep vote ban pynshisha ia ka jingkwah jong ki ban wanrah ia ka jingkylla.
U Kohli, u la kynnoh ruh ba ka seng Congress ka kwah ban wanrah ia ka jingia sngewpher jaid bynriew, bad kane kala paw shai kdar na ka Committee jong ka seng Congress kaba la thaw kyrpang ban khroh ia ki jaid niam rit paid ha kane ka thain kaba ka Congress kala shna ia kine ki khyndait sngi.
U la ong ba ka BJP ka don tang kawei ka thong bad kata ka thong ka long ban wanrah ia ka roi ka par ha ka Ri bad kane ka thain baroh kawei. Dei na kane ka daw ba kajingwan jong ki myntri ka sorkar pdeng sha kane ka thain ka long man ka por.
Haba jubab ia ki jingkylli ha kaba ia dei bad ka jingbm lah ban pyndon kam ia ka pisa n aka DoNER, kane ka dei ka pisa paidbah kaba yn nym lah ban shu ai kumto, u la tei pop kylla ia ki sorkar jylla ba kim lah ban phah ia ki skhim kiba biang.
