Shillong, Lber 12: Ha dien ba ka sorkar India ka la rai ban pyntrei kam pura ia ka ain Citizenship Amendment Bill ia ka ba la pynskhem bad ban pynlongdoh longsnam ia ka Citizenship amendment Act (CAA).
Na ka liang ka North East Student Organisation(NESO) ha ryngkat ka jing iatreilang bad ka Khasi Student Union (KSU) seng Kmie mynta ka sngi ka 12 tarik u Lber 2024 ka la mih shakhmat ban pynpaw ia ka jingpyrshah ha ka ba iadei bad ki jingthmu jong ka sorkar India.
Ha ba pynlong ia kane ka jingialng ban pyrshah bad ban pynsngew thuh sha ki paidbah halor kane ka ain ia ka ba la pynlong ha jan ka office treikam jong ka MBOSE na ka liang u chairman jong ka NESO u bah Samuel Jyrwa u la ong ba lada ki ong ba ka jylla Meghalaya ka don ia ka sixth scheduled kumno pat ki bar jylla ki ioh ban rung lait luid.
La ong kaba ima ka long ba ki la jyllei palat ha ka jylla ba la sakhie ruh ba ki don ki bynta ba la bunda ki bar jylla bad dei halor kane ka nongrim ba na ka liang ka NESO ka sngew ba lada ka CAA kan treikam ha kane ka jylla kanlong kum ka jing pynshlur ia ki barjylla ba kin wansha poh ka jylla Meghalaya.
U bah Jyrwa u la ongruh ba ka NESO kanym shongthait hynrei kanym shongthait ban pynpaw ka jingpyrshah lyngba ka jingiakhih bad iakane kan ymkut tang ha ki surok hynrei kan ia khun ruh ha poh ka iing kashari jong ka Supreme Court.
Na ka liang u bah Lambokstar Marngar u ba dei u President ka KSU seng kmie u la ong b akum ka seng ka khmieh lynti ban ai ka jingiada ia ki jaidbynriew rit paid ha ka ri hynrei ka la kylla long khongpong ha ka ba ka la pynlong ain da ka CAA.
kane ka jingpynlong ain ka long kumba khot sngewbha ia ki briew na ka Ri Bangladesh ban wan rung kat ba kimon sha poh ka Jylla bad ka Ri India. U laong ruh ba la da kibar ri kin wan ban rung sha ka Jylla Meghalaya ka ba don tang 15 lak tam ki nongshong shnong ka Jylla Meghalaya hi baroh kawei kala kut.
Kum ban shu pynkynmaw ba ia ka CAA la wan rah na duh u snem 2019 bad dei ha une u snem ba na ka liang ka sorkar jylla ka la ai da ka jingthoh sha ka sorkar India ban pyntrei kam da ka ILP hapoh ka Jylla, hynrei kane ka jingdawa ha duh kine ki sngi kimshym la lah ban pynurlong.
Ha kane ka sngi la don ka jingthang ia ki kot ain ba la pynmih da ka Sorkar India halor ka CAA hapoh ka jingialam jong ka NESO bad ka KSU seng kmie.
