Shillong, Nailur 26: Ki riew sniew kiba ym lah ban tip ha ka meit 23 tarik mynta u bnai kila thang ia kakli jong u Bah H T Sten u ba dei ruh u Chairman jong ka Jaiaw Umpohliew Block Committee. Na ka liang jong ki pulit kila iathuh ba kane ka kali Gypsy Maruti ka don ia u Registration number ML05-K-9874.
Ki riew sniew kila thang ia kane ka kali ha ka jaka ba juh pynieng man ka por ha surok shnong. Na ka liang jong ki pulit ka Lumdiengjri Police Station, kila iathuh ba ia ka MVI report la leh mynnin ka sngi u blei bad ia kane ka kali la pynlait ha ka juh ka sngi. Na ka liang jong ki pulit kid ang tohkit ia kane ka jingjia ban ioh kem ia ki nongleh kam sniew.
Ha ka juh ka por na ka liang jong ka dong Jaiaw Umphliew kaba hap hapoh jong ka Jaiaw Laidom dorbar, na ka liang jong ka Jaiaw Umpohliew Block Committee ka pynren jur ia kito ki riew sniew kiba la leh ia kane ka kam runar bad ki kyntu ia ki bor pulit ba kin thwet bad pynshitom ia kine ki nongleh kam sniew katkum ka ain la ong u Bah BB Hynniewta Secretary jong ka JUBC.
