Shillong, Nailur 05: U Chairman jong ka Meghalaya Tourism Development Corporation (MTDC) u Bah David Nongrum , u la ong “ nga phah sha u Bah Lessly Shylla u nongshimwai ia ka Crowborough Hotel ba u dei ban jubab sha
ka corporation hapoh ka 15 tarik jong u mynta u Nailur”.
Haba kren ha u SP News Agency, u Bah David u la ong ba ka MTDC kala aiwai sha u Bah Lessly Shylla, haba ia dei bad ki jingiatehkular u managing director yn tip kham bha, ka jingshisha ka long ba ka MTDC kala ai ia ka jingthoh sha u Bah Lessly ban wan jubab sha ka Corporation.
Ban kdew hangne ka jingbuh ia u Mawnongrim ban tei ia kane ka Crowborough Hotel, la sdang ha u snem 1980, kane ka jingtei kala iaid lyngba ruh ia ki jingia khun mukotduma bad ki ar tylli ki company kiba la shim contrak ban tei ia ka.
Ha dien ba ka sorkart kala dep ban ia pynbeit bad ki company sha bar jong ka iing bishar da kaba siew ia ka bailut ksan jong ki kum sha ka, M/S Asthra Construction Pvt Ltd kaba la kot haduh T.2.65 klur bad hs ka MSS Builders kala siew haduh T.1.95 klur. Ha dien kane ka jingsiew ka sorkar kala ioh biang ia kane ka jaka n aka kti jong ki Company.
Haba ka sorkar kala dep ban ia pynbeit bad kitei ki ar tylli ki company, ka MTDC kala ioh biang ia kane ka jaka ha Khyndailad bad haba kala ioh biang kala khot tender ban ai wai pat ia ka sha ki riew paidbah ban pyndep ia kane ka jingtrei.
Ha kane ka jingaiwai ka MTDC kala ai sha u Bah Lessly Shylla ha dien ba u la tyrwa ban siew sha ka MTDC T.98.997 klur ha ki 33 slem nalor ba ynshan ban pyndep ia kane ka hotel.
