Shillong, Lber 18: Mynta ka sngi ki lai tylli ki seng bhalang ka Hynniewtrep Youth Council (HYC) ha ka jingiadon lang ka seng Confederation of Ri Bhoi People CORP) ba ka Jaitnia National Movement (JNM) kila pynlong ia ka jingiakynduh lang ban ia kren halor ka jingpyntrei kam ia ka Citizenship Amendment Act 2019 bad ia ki rule kiba la pynmih ha ka 11/3/2024.
U bah Roy Kupar Synrem President ka HYC haba kren ha ki lat pathai khubor ha dien ka jingiakren ha pdeng ki lai seng la ong ba, kila shim ia ka rai ban thoh sha ka sorkar ba kylli hato haduh katno ki don kiba ki briew kiba shong ha normal Shillong, namar kumba ka long mynta ka sorkar kam don jingkhein.
Ha kane ka jingialang la shim ia ka rai ban thoh sha ka sorkar jylla ba kan ia kren bad ka sorkar pdeng ban pynlait ia ka jylla Meghalaya baroh kawei na ka jingpyntrei kam ia ka CAA, namar kumba ka long mynta ym baroh kawei ka jylla ka lait na ka jingpyntrei kam ia ka CAA.
Ka CAA ka trei kam ha normal Shillong, ia ki bynta jong ka Garo Hills kim kwah ban kren namar kila khot ia ki paralok na Garo Hills ban ia kren ia kane ka kam hynrei kim shym poi na ki daw kiba ym lah ban kiar kumta kila ia kren tang ia ka bynta ka Khasi Hills.
Haba jubab ia ki jingkylli na ka liang jong u President ka HYC u la ong ba kin thoh sha ka sorkar jylla ban dawa na ka sorkar pdeng ban pynlong ia ka jaka jong ki riewlum ha kane ka jylla baroh kawei, na ka liang ka seng ia mynta kan thoh shuwa sha ka sorkar jylla halor kane.
Ha ka juh ka por kin sa thoh ruh la dei sha ka Standing Parliamentary Committee ne sha ka Ministry Home Affair ban dawa ba dei ban pynhap noh ia ki jaka ba dang lait na ka jaka ki riewlum sha ka jaka jong ki riewlum, khnang ba ka CAA kannym treikam ha jylla Meghalaya.
