Shillong, Jylliew 23: Ka JSU kala phah da ka jingthoh sh
a ka sorkar ba leh klet ban ai jingiarap sha kiba haìng jong ki 6 hynriew ngut ki lanot kiba lah khlad noh namar ba bam tit khlaw ha shnong Lamin.
U samla Treiborlang R Suchen u lah ong ba u lah ioh ban iakren bad u Rangbah shnong ka shnong Lamin u bah Golden Gashnga, halor ka jingjia ba lah dep hapoh shnong Lamin.
Na ka liang u Rangbah Shnong Lamin u lah ong ba haduh mynta ka sorkar kam shym lah iarap eiei ia ka ing ka sem jong kito kiba lah khlad noh.U samla Treiborlang u lah ong ba ka sorkar ka lah dei ban iarap namar kidei hok ban ioh namar kine ki lanot kim banse ban wad bam da ki jhur khlaw ha ka por ba kyrduh bad haka por ba pakhang shnong kaba jlan ha baroh kawei ka ri bad jylla.
Hynrei kaba sngewsih pat kine ki lanot bad kiba ing ki lah ioh ban kheit bad bam da u tit ba long bih bad haduh 6 ngut ki lah khlad noh bad haduh kumba 11 ngut ki lah ioh pang bad ki lah koit noh hadien ka jingsumar ha ki hospital.
Kaba kham sngewsih ka long ba haduh 5 ngut kiba lah khlad kidei na ka juh ka ing bad kidei ki shipara trai bad uwei na ki udei u para ar kmie trai jong ki bad kine baroh kidei ruh ki khunswet.
U samla Treiborlang u lah ong ba ka sorkar ka dei ban pynioh da ka Ex Gratia sha ki bahaing bad u lah ong ,sha kiwei jylla lada jia kum kine ki jingjia ba sngewsih ba bakla ban bam ia ki jingbam ba don bih ka sorkar ka ju ai da ka jingiarap pisa ne ka Ex Gratia sha ki baha ing .
U samla Treiborlang u lah ong ,lah juh don kum kane ka jingjia kaba ia sriem ha East Godavari District haAndhra Pradesh ha u snem 2017 ha kaba 16 ngut ki lah khlad noh namar ba ki ioh bam bakla ia ki jingbam ba long bih bad ka sorkar jong ka jylla Andhra Pradesh ka lah ai da jingiarap ka ex gratia haduh 5 lak tyngka sha ki ba haing ki lanot kiba lah khlad noh.
U samla Treiborlang R Suchen u lah ban jur ia ka sorkar jylla ba kidei ban ai jingiarap mardor da ka Ex Gratia sha ki baha ing jong kine lanot na shnong Lamin.
