Shillong, Lber 10: Haba ia dei bad ka jingbthei bom ha Punjabi Lane ha Themiew Mawlong kaba la jia ha ka miet sngi Saitjian dei u bom Improvised Explosive Device (IED) ia kaba la pyn bethei ha ka jaka bala ker da ki tin kaba la long thylli ha jaka iing kali Syndicate Bus.
Ki pulit kila kam ba ia u bom IED la buh ha kawei ka jingthep ba dei da ka nar bad ia ka jingpynbethei bom la leh da ki da kaba thang ia u ksai dynamait bad ka jingjulor kala jia ha tang ha katei ka jaka ba la ker da ki tin bad ka jingpaid jong ki iit na ki iing kiba don ha jan.
Ha kane ka jingjia u wei u briew ba dei na katei ka jaka katba dang iaid lynti u la mynsaw ha kne ka jingbethei bom na ka jingsit jong ki nar ba sit na katei ka jingbethei. Kna ke jingbethei mynta ruh ka long kum kito kiba la jia mynshuwa.
Kane ka jingbethei bom ha jaka ieng kali jong Syndicate Bus ka ia jan bha bad ka jingbethei bom kiba la jia ha kine ki jingjia kiba la dep kiba la leh da ka seng lehnoh HNLC kaba ka juh kam. Hynrei haduh ba ki pulit ki phah iakane ka kyrwoh ym pat don ba kam ia kane ka jingbethei bom.
Haba ia dei bad kane ki pulit kila register ia kaejahar ha Sardar Police Station ban tohkit hapoh ki kyndon jong ka Unlawful Activities (Prevention) Act bad ka Explosive Substances Act.
Halor kane ki pulit jong ka East Khasi Hills kin tohkit ban pynthikna ba ia kito kiba don kti ynioh ban kem bad pynshitom katkum ka ain. Na ka liang jong ki pulit kila kyntu ia ki paidbah ban ia ai kti lang ban wat ia ki nongleh kam sniew.
Ki pulit jong ka East Khasi Hills District kin ai ka khusnam kaba shilak tyngka lada don mano mano ban ai jingtip kaba lah ban ioh kem ia kiba don kti ha katei ka jingbethei bom, ia kiba ia thuh ki pulit kinnym iatuh ia ka kyrteng jong ki.
Kiba don jingtip ki lah ban phah ha kane ka number 9366790273 ne da kaba shu phone lane phah ia ka jignthoh sha kane ka email specialcell.ekh.mlp@gmail.com kane ka long katkum ka kyrwoh kaba la phah na ka liang ki pulit mynta ka sngi.
